“Yashil makon” loyihasi doirasida institutda ko‘kalamzorlashtirish ishlari olib borildi

---

Bugun, Toshkent farmatsevtika institutida “Yashil makon” umummilliy loyihasi doirasida obodonlashtirish va ko‘kalamzorlashtirish ishlari tashkil etildi.

Tadbir davomida institut hududida daraxtlarni oqlash, yashil maydonlarni tozalash va atrof-muhitni tartibga keltirish ishlari amalga oshirildi. Ushbu ekologik tashabbusda institut xodimlari, professor-o‘qituvchilar va talaba-yoshlar faol ishtirok etdilar.

Mazkur tadbir institut hududini yanada obod qilish, yashil hududlarni kengaytirish hamda talabalarda atrof-muhitga mas’uliyatli munosabatni shakllantirishga xizmat qildi.