Mirzo Ulug‘bek nomidagi O‘zbekiston Milliy Universiteti Ekologiya fakulteti Ekologiya kafedrasi bilan hamkorlik

---

O‘zbekiston Raspublikasi Prezidentining 2018-yil 5-iyndagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohatlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-sonli hamda 2019-yil 6-maydagi “Tibbiyot va farmasevtika ta’limi va ilm-fani tizimini yanada rivojlantirish chora-tadbirlari to‘g‘risida”gi PQ-4310-sonli qarorlarida belgilangan vazifalarning ijrosini to‘laqonli bajarish uchun institut professor - o‘qituvchilarni OTM larda seminar mashg‘uloti o‘tkazishni tashkillashtirish  maqsadida joriy yilning 6-iyundan 8-iyunga qadar vaqt oralig‘ida “Farmakognoziya” kafedrasi katta o‘qituvchisi D.M.Alikarieva va assistent S.I.Xudayorova  Mirzo Ulug‘bek nomidagi O‘zbekiston Milliy Universiteti Ekologiya fakulteti Ekologiya kafedrasi  professori b.f.d. T.U.Raximovani institutga taklif qilib, ular farmasevtik botanika va ekologiya fanlaridan hamkorlikda  oflayn shaklda 2-bosqich talabalariga 14 soat ma’ruza, seminar mashg‘ulotlari  olib borishdi.

Biologiya, botanika va ekologiya fanining rivojlanishiga ulkan hissa qo‘shgan,  O‘zbekistondagi cho‘l va adir o‘simliklarining ekologiyasini aniqlagan olimalardan biri Mirzo Ulug‘bek nomidagi O‘zbekiston Milliy Universiteti Ekologiya fakulteti Ekologiya kafedrasi  professori b.f.d. T.U. Raximovadir.  O‘zbek olimasi o‘z fanlarining yetuk mutaxassi bo‘lish bilan birga, ko‘plab shogirdlar yetishtirishgan, o‘z sohalari bo‘yicha 200 dan ortiq  ilmiy maqolalar, kitoblar yozgan.

 Mashg‘ulotlar olib borish jarayonida  T.U. Raximova o‘zlarini hayot ijodlari  haqida talabalarga so‘zlab berdilar. Bundan tashqari T.U. Raximova mashg‘ulotlar o‘tish jarayonida lirik chekinish qilib, o‘z qalamlariga mansub bir qancha she’rlarni talabalarga o‘qib berdilar.

O‘zbekiston Milliy Universiteti Ekologiya fakulteti Ekologiya kafedrasi  professori b.f.d. T.U. Raximova tamonidan olib borilgan ma’ruza, seminar mashg‘ulotlari yuqori saviyada o‘tkazilgan bo‘lib, talabalar va professor o‘qituvchilarda yaxshi ta’surot qoldirdi. Farmakognoziya kafedra o‘qituvchilari  T.U. Raximova bilan o‘zaro tajriba almashinib,  yangi metodik ko‘nikmalarga ega bo‘lishdi.