Ishchi guruh tomonidan talabalarning turar joy bilan bog'liq masalalari hal etilmoqda

---

Toshkent farmatsevtika institutida Talabalarni turar joylariga joylashtirish masalalari Yoshlar bilan ishlash bo'yicha prorektor I.R.Sagatov  boshchiligidagi  institut Ishchi guruhi  tomonidan 6 sentyabrdan boshlab o'z faoliyatini  boshladi.

Institut Ishchi guruhi talabalar tomonidan taqdim etilgan ariza va  hujjatlarning har birini alohida  oʻrganib chiqib,  ehtiyoji aniqlangan talabalar oʻrtasida xonalarni taqsimlamoqda.

 

 

Bunda avvalo turar joyga ehtiyoji bor boʻlgan quyidagi talabalarning arizalari  birinchi oʻrinda qabul qilinyapti:

 

 -  Toʻliq davlat taʼminotidagi talabalar (chin yetim);

-  Nogironligi boʻlgan talabalar (1 va 2 guruh nogironlari);

-  Boquvchisini yoʻqotgan talabalar;

-  “Temir daftar”, “Yoshlar daftari” va “Ayollar daftari”ga kiritilgan oila farzandlari;

-  Ota-onasi 1 va 2 guruh nogironi boʻlgan talabalar;

-  Oilasida 3 va undan ortiq toʻlov shartnoma asosida tahsil olayotgan talabalar.

 

Ishchi guruhning talabalar turar joyini taqsimlash jarayonini ota-onalar, talabalar oʻzlari bevosita kuzatmoqdalar. Institut Ishchi guruhi faoliyati  talabalar turar joyiga ehtiyoji boʻlgan talabalarning arizalari va hujjatlari  toʻliq oʻrganib chiqquniga qadar davom etadi.