Toshkent farmatsevtika institutida navbatdagi Ilmiy Kengash bo'lib o'tdi

---

2021-yil 25 avgust sanasida Toshkent farmatsevtika instituti Ilmiy  Kengashining navbatdagi yig‘ilishi o’tkazildi.  Majlis institut rektori raisligida, kengash a’zolari ishtirokida bolib o'tdi.

Kengash o’z ishini ananaga muvofiq, bir nechta quvonchli xushxabarlar bilan boshladi.

Jumladan:

Institut rektori K.S.Rizayev tomonidan, “Farmatsevtik kimyo” kafedrasi katta o’qituvchisi T.A.Mirrahimova  farmatsevtika fanlari doktori ilmiy darajasi,  “Farmatsevtik kimyo” kafedrasi katta o’qituvchisi K.SH.Muxitdinova esa PhD ilmiy darajasini olish uchun amalga oshirgan  muvaffaqiyatli himoyasi bilan samimiy qutlandi!

 

 

 

Hamda 5 yil muddat davomida kafedra mudiri sifatida faoliyat olib borgan “Fizika,matematika va axborot texnologiyalari’’ kafedrasi mudiri K.K.Shodmonov; “O’zbek tili va adabiyoti’’ kafedrasi mudiri S.M.To’ychiyeva; “Organik va biologik kimyo’’ kafedrasi mudiri  Karimov Aminjonlar fidokorona mehnatlari uchun tashakkurnoma va esdalik sovg’alari bilan taqdirlandilar!

 

 

 

Tadbir davomida, Farmatsiya fakulteti dekani lavozimiga V.R.Xaydarov tayinlangani ma’lum qilindi.

 

 

Shundan so’ng, kengash kun tartibidagi masalalar yuzasidan o`z ishini davom ettirdi.

Kun tartibiga qo’yilgan masalalar bo’yicha dastlab, Yoshlar bilan ishlash bo’yicha prorektor I.R.Sagatov tomonidan  O’zbekiston Respublikasi Davlat mustaqilligining 30 yilligi munosabati bilan “O’zbekistonda erkin va farovon yashaylik” shiori ostida o’tkaziladgan bayram tantanalariga munosib tayyorgarlik ko’rish; Mustaqillik darslarini tashkil etish; kafedralarga biriktirilgan maktablarga  yil davomida o’qituvchilarning tashrifi va mahalla bilan yaqindan ishlashni yo’lga qo’yish borasida nutq so’zlandi.

O’quv ishlari bo’yicha prorektor Z.A.Yo’ldashev tomonidan  yangi 2021/2022 o’quv yiliga tayyorgarlik ko’rish; Kredit modul tizimi va Hemis tizimi bo’yicha; 1-kurs maktabini tashkil etish, ularni o’quv jarayonida foydalaniladigan  adabiyotlar  ro’yxati bilan tanishtirish; professor-o’qituvchilar tomonidan mehnat intizomiga qatiy rioya etilishi, dars jadvallarining tasdiqlanishi bo’yicha ko’rsatmalar berib o’tildi.

Va yana bir qator masalalar Kengash a’zolari tomonidan muhokama etildi.