“Milliy g‘oya targ‘iboti” videoroliklar tanlovi

---

 

Milliy g‘oyamiz asosi bo‘lgan tariximizni chuqur o‘rganish, ajdodlarimizning ibratli umr yo‘llari haqida maʼlumotlarni targ‘ib qilish, iqtidorli talabalar ijodiy ishlarini keng jamoatchilikka yetkazish, talabalarni vatanparvarlik ruhida tarbiyalashga qaratilgan amaliy chora-tadbirlar va ma’naviy-maʼrifiy ishlarning taʼsirchanligini oshirish va erkin fikrga ega isteʼdodli talabalarni har tomonlama rag‘batlantirish maqsadida talabalar o‘rtasida «Milliy g'oya targ'iboti» videoroliklar tanlovi e'lon qilinadi.  Videoroliklar ishtirokchining “Milliy g‘oya targ‘iboti – yoshlarimiz qanoti” mavzusida bo‘lib, qisqa metrajli badiiy yoki hujjatli videorolik ko‘rinishda taqdim etilishi kerak.

Videorolik tayyorlashda qo'yiladigan asosiy talablar:

·        davomiyligi 2 daqiqadan 3 daqiqagacha;

·        formati MPEG-4;

·        720r (1280x720) yoki 480r (854x 480);

·        hajmi 40 megabaytgacha boʼlishi kerak.

Videoroliklar 2021-yil 29-may sanasiga qadar qabul qilinadi. Qolaversa, tanlov g‘oliblari institut rektori tomonidan moddiy va maʼnaviy rag‘batlantiriladi.

 

Ijodiy ishlaringizni institut Yoshlar bilan ishlash, maʼnaviyat va maʼrifat bo‘limi (telegram raqamiga (97)130-86-82 va (90)916-50-40)ga taqdim etishingiz mumkin.