Toshkent farmatsevtika instituti
Veb-saytdagi ma'lumotlardan foydalanilganda, manbaga havola qilish majburiy.
Institut professor-o‘qituvchilari va xodimlarining bo‘sh vaqtlarini mazmunli tashkil etish maqsadida, institut Kasaba uyushma qo‘mitasi hamda Yoshlar bilan ishlash, manaviyat va maʼrifat bo‘limi tashabbusi bilan “Vatan bo‘ylab sayohat” shiori ostida mamlakatimizning qadimiy va boy tarixini o‘rganish, xodimlar va yoshlar orasida keng targ‘ib etish, ularda milliy g‘urur va iftixor tuyg‘usini mustahkamlash maqsadida 2021 yil 15 may kuni Samarqand shahriga hamda 2021 yil 21-22 may kunlari Buxoro shahriga tashrif buyurdilar. Islom madaniyati poytaxti sanalmish Buxoro, O‘zbekistonning sayyohlik durdonalaridan biri hisoblanadi. Toshkent farmatsevtika instituti xodimlari ushbu ertaknamo shaharning eng diqqatga sazovor so‘lim go‘shalarini ziyorat qildilar:
Ark qal’asi; Somoniylar maqbarasi; Chashmai Ayub maqbarasi; Magaki-Attari masjidi; Mirzo Ulug‘bek madrasasi; Miri-Arab madrasasi; Lyabi-Xauz ansambli shular jumlasidandir.
Buxoro ko‘chalarida usta hunarmandlar tomonidan yasalgan turli xil esdalik do‘konlarini ko‘plab uchratish mumkin. Institut jamoasi ana shunday esdalik sovg’alar va bir olam unutilmas taassurotlar bilan sayohatni yakunlab, azim Toshkentga qaytdilar.