AKADEMIK MOBILLIGI – HAMKORLIK IMKONIYATI!

---

Al-Farobiy nomidagi Qozog'iston milliy  universitetida 3-5 aprel kunlari Kimyo yo‘nalishi bo‘yicha bo‘lib o‘tgan  «Farabi әlemі» nomli xalqaro talabalar va yosh olimlar konferensiyasida Toshkent farmatsevtika instituti “Organik sintez” kafedrasi mudiri F.A. Pulatova, dotsent D.A. Ergasheva hamda Toksikologik kimyo kafedrasi  dotsentlari Nurmatova M.I., G.Yu.Malikovalar   institutimizning bir qator talabalari bilan birga qatnashdilar. Faxriy 2 - o’rinni 5 - kurs farmatsiya yo`nalishi 502 B guruh talabasi Sh.A.Muzaffarova egalladi. Barcha qatnashgan talabalar konferensiyada faol qatnashgani uchun   faxriy yorliq bilan taqdirlandilar.

Akademik mobillik dasturi asosida institutning  “Organik sintez” kafedrasi mudiri F.A. Pulatova, dotsent D.A. Ergasheva hamda Toksikologik kimyo kafedrasi  dotsentlari Nurmatova M.I., G.Yu.Malikovalar  S.D. Asfendiyarov nomidagi Qozog'iston milliy tibbiyot universitetiga professor-o'qituvchilar va talabalarning o'zaro akademik mobillik almashinuvi doirasida 2-5 aprel kunlari tashrif  buyurdilar. Tashrif davomida farmatsevtika yo‘nalishidagi xalqaro hamkorlikni rivojlantirish, ilg‘or pedagogik tajribalarni o‘rganish va amaliy ko‘nikmalarni oshirish maqsadida bir qator ilmiy va ta’limiy tadbirlar tashkil etildi.

 Jumladan, akademik mobillik dasturiga asosan “Farmatsiya” va “Farmatsevtika ishlab chiqarish texnologiyasi” ixtisosliklarining 2-4 kurs talabalari o'rtasida Organik kimyo, Organik sintez, Toksikologik kimyo va Biologik kimyo fanlaridan ma’ruza va laboratoriya  mashg‘ulotlari o‘tkazildi.

Tegishli kafedralar professor-o‘qituvchilari uchun mahorat darslari tashkil etilib, bunda  fanlarni o‘qitishning zamonaviy metodlari, laboratoriya ishlarini takomillashtirish va xalqaro standartlarga mos ilmiy tadqiqotlar olib borish bo‘yicha muhim tajribalar almashildi.