Magistratura bo’limi

Iskandarova Shohista Fexruzovna

Ilmiy darajasi va unvoni:

Farmatsevtika fanlari doktori, dotsent

Lavozimi:

Bo'lim boshlig'i

Qabul vaqti:

Dushanba-Juma (09:00-16:00)

Tel.:

(0 371)

Veb-sayt:

O‘zbekiston Respublikasi Vazirlar Mahkamasining 2007 yil 10 sentyabrdagi «O‘zbekiston Respublikasi oliy ta’lim tizimida magistratura faoliyatini takomillashtirish, uning samaradorligini oshirish chora-tadbirlari to‘g‘risida”gi 190-son Qarorining tasdiqlanishi Kadrlar tayyorlash milliy dasturidagi belgilangan vazifalarni samarali bajarilishiga qo‘yilgan qadam bo‘lib, Toshkent farmatsevtika institutida 2008 yil yanvar oyidan Magistratura bo‘limi tashkil etildi va unga rahbar etib f.f.n., dori turlari texnologiyasi kafedrasi dotsenti Nazirova YAyra Qosimovna tayinlandi. 2012 yildan esa bo‘limga DTT kafedrasi dotsent, f.f.n. SH.F.Iskandarova rahbarlik qilmoqda. SHu bugungi kungacha  SH.F.Iskandarova rahbarligida CH.Toshtemirova va 2015 yildan N.T.Zaripovalar bo‘limda faoliyat yuritmoqdalar.

Bo‘lim o‘z faoliyatini quyidagi hujjatlarga asoslangan holda olib boradi:

 – O‘zbekiston Respublikasi Prezidentining 2012 yil 24 iyuldagi PF – 4456-son “Oliy malakali ilmiy va ilmiy-pedagog kadrlar tayyorlash va attestatsiyadan o‘tkazish tizimini  yanada takomillashtirish to‘g‘risida ”gi Farmoni ijrosini ta’minlash maqsadida ishlab chiqilgan, O‘zbekiston Respublikasi Vazirlar maxkamasining 2015 yil 2 martdagi  “Magistratura to‘g‘risidagi Nizom”ining 36- son qaroriga muvofiq;

 –   O‘zR Oliy va o‘rta maxsus ta’lim Vazirligining 2014 yillari tasdiqlangan mutaxassisliklar bo‘yicha DTS, 2015 yilda tasdiqlangan malaka talablari va o‘quv rejalari;

–   Toshfarmi rektori tomonidan har bir o‘quv yili uchun tasdiqlangan Ishchi o‘quv rejalari.

Bo‘lim faoliyatini tashkillashtirish qo‘yidagi yo‘nalishlarda olib boriladi:

   -magistratura mutaxassisliklari uchun davlat ta’lim standartlari, malaka talablari va boshqa normativ hujjatlarni ishlab chiqish, kadrlar buyurtmachilari talab va takliflari asosida ularni muntazam takomillashtirib borish;

 -magistrlar tayyorlash bo‘yicha o‘quv jarayonini tashkil etish, ta’lim va o‘qitish sifatini nazorat qilish;

 -magistratura faoliyatini boshqarish, ta’lim jarayonlarini tashkil etishning shakl va mexanizmlarini modernizatsiya qilish;

– magistratura mutaxassisliklarini zaruriy darsliklar va adabiyotlar bilan ta’minlashni nazorat qilish, bu ishga etuk olimlar, yuqori malakali mutaxassislarni jalb etish, ilmiy sohani rivojlantirish kabi ishlarni tashkillashtirish;

-magistratura talabalari tomonidan o‘quv-izlanish va ilmiy-tadqiqot ishlari amalga oshirilishini nazorat qilish;

-institutning kafedralarida magistrlar tayyorlash bo‘yicha faoliyatni muvofiqlashtirish va nazorat qilish;

-magistratura talabalarini o‘zlashtirish, bitiruvchilarning ishga joylashish monitoringini olib borish, magistrlar tayyorlash ishlarini muntazam ravishda tahlil qilish va ular yuzasidan hisobotlar tayyorlash;

-magistraturada dars berayotgan pedagog kadrlarga yuklatilgan vazifalarni amalga oshirishlari uchun maqsadga yo‘naltirilgan sharoitlarni yaratish va ularni ijtimoiy-kasbiy va shaxsiy faolligini oshirish, ularni rag‘batlantirish mexanizimlarini ishlab chiqish;

-magistratura mutaxassisliklari bo‘yicha axborot ta’minoti tizimlarini shakllantirish va rivojlantirish;

-Respublikadagi va ilg‘or xorijiy hamkorlar bilan birgalikda ilmiy-ta’limiy loyihalar va dasturlarni ishlab chiqish hamda amalga oshirish ishlarida ishtirok etish;

-mavjud holatini tizimli ravishda tahlil qilish, aniqlash, muammoli holatlarni aniqlash, magistraturani rivojlantirish tendensiyalari bo‘yicha ustuvor yo‘nalishlarni aniqlash;

-magistratura mutaxassisliklari bo‘yicha talab va takliflarni o‘rganishini tashkil etish, ta’lim xizmatlari va kasbiy mehnat bozorida raqobatbardoshligini ta’minlash hamda magistrlar tayyorlash sohasida marketingni shakllantirish;

-byudjet asosida ta’lim olgan magistratura talabalarini ishga taqsimlash borasida mehnat bozoridagi ish o‘rinlari to‘g‘risida axborot bankini yaratish, ish beruvchi tashkilotlar bilan hamkorlik aloqalarini rivojlantirish;

-magistrlar tayyorlash jarayoni ishtirokchi-hamkorlari qiziqishlari aks etgan taklif va ko‘rsatmalarni ishlab chiqish, shuningdek, Magistratura mutaxassisliklariga qo‘yilgan vazifalardan kelib chiqib, uni rivojlantirishga qaratilgan dasturlar, loyihalar, tashabbuslar tuzish amalga oshirildi.

 Toshkent farmatsevtika institutida  talabalar quyidagi mutaxassisliklar bo‘yicha ta’lim olishadi:

-farmatsevtika ishini tashkil qilish va boshqarish;

– farmatsevtik kimyo va farmakognoziya;

– dori vositalari va preparatlari texnologiyasi;

-dorilarning sanoat texnologiyasi;

– immunobiologik va mikrobiologik preparatlar texnologiyasi.

 2012 yildan bitiruvchi magistrantlarning o‘z dissertatsiyalarini ingliz tilida himoya qilishlarini joriy etildi.

Diqqatga sazovor yutuqlardan yana biri institutning magistratura ta’lim tizimi bo‘yicha xalqaro integratsiya bo‘yicha samarali faoliyat yuritayotganligidir. Institut bilan S.D.Asfendiyarov nomidagi Qozog‘iston Milliy tabbiyot universiteti o‘rtasida 27.10.2011 yilda tuzilgan 34/10.11-sonli hamkorlik shartnomasi bo‘yicha Farmatsiya fakultetining 4 nafar magistratura talabalari tegishli mutaxassisliklar bo‘yicha bevosita biriktirilgan ilmiy rahbarlar boshchiligida 105 kunlik ilmiy-tadqiqot amaliyotini o‘tdilar. Ular tomonidan bajarilgan ilmiy ishlar hisoboti tinglanib, qoniqarli deb topildi va tegishli sertifikat bilan taqdirlandi.

Institut bo‘yicha bajarilgan Magistrlik dissertatsiyalari bo‘yicha ilmiy maqola va tezislar chop etildi. Magistratura talabalari o‘z ilmiy tadqiqotlari natijalari bilan institutda va tegishli OTM va ITI lar tomonidan o‘tkazilgan ilmiy-amaliy anjumanlarda faol ishtirok etmoqda.

04.04.2016, 06:42   402