Toshkent farmatsevtika instituti, Noorganik, fizik va kolloid kimyo kafedrasi jamoasining Mirobod tumani kimyo o’qituvchilari uchun navbatdagi malaka oshirish darslari

---

 

   Toshkent farmatsevtika instituti, Noorganik, fizik va kolloid kimyo kafedrasi assistenti F.R.Jumaboyev tomonidan 22.04.2021 sanasida Mirobod tumanida joylashgan 328-umumiy o'rta ta'lim maktabida Mirobod tumani kimyo fani o'qituvchilari uchun "Elektroliz" mavzusida mahorat darsi tashkil etildi. Qiziqarli tarzda tashkil etilgan mahorat darsida maktab o'qituvchilariga "Elektroliz" mavzusi yuzasidan masalalar yechish sir-asrorlari o'rgatildi. O'z navbatida mahorat darsi qatnashchilar mavzuga doir o'zlarini qiziqtirgan savollarga javob olishdi. Tadbir yakunida o'qituvchilar tomonidan Oksidlanish-qaytarilish (ion-elektron) reaksiyalari mavzusida ham mahorat darslari tashkil etib berilishi borasida takliflar kelib tushdi. Shunga ko'ra, kelgusi darslarda yuqoridagi mavzu yuzasidan mahorat darslari tashkil etilishi borasida kelishib olindi.