Ilmiy va ilmiy pedogogik kadrlar tayyorlash

Oliy malakali ilmiy va ilmiy-pedagog kadrlar tayyorlashning samaradorligini oshirish maqsadida institutning mavjud imkoniyatlaridan kelib chiqqan holda istiqbolli rejalari ishlab chiqish, dissertatsiyalar mavzularini tahlil qilish, kata ilmiy xodim – izlanuvchilik institutini samaradorligini oshirish, tugallangan ilmiy-texnikaviy dasturlar natijalarini sanoat tadbig‘i bo‘yicha ishlar olib borish, ularni innovatsiya loyixalari tanlovi uchun taqdim qilish ilmiy bo‘lim faoliyatining asosiy faoliyat yo‘nalishlaridir

O‘zbekiston Respubkasi Prezidentining 2012 yil 24 iyuldagi “Oliy malakali ilmiy va ilmiy-pedagogik kadrlar tayyorlash va attestatsiyadan o‘tkazish tizimini yanada takomillashtirish to‘g‘risida”gi PF-4456 sonli Farmoni hamda ushbu Farmonga o‘zgartirish kiritish to‘g‘risidagi 2012 yil 27 iyuldagi PF-4458 Farmoni ijrosini ta’minlash maqsadida institutda bir qator ishlar amalga oshirildi.

Institutda ilmiy-pedagogik kadrlar tayyorlash tizimi 365-sonli qarorda ko‘rsatilgan «Oliy o‘quv yurtidan keyingi ta’lim to‘g‘risidagi Nizom» asosida tashkil qilindi. Jumladan, katta ilmiy xodim-izlanuvchilik va mustaqil izlanuvchilik instituti tashkil etildi va uning faoliyati samaradorligi  bo‘lim xodimlari tomonidan doimiy nazorat qilib borilmoqda.

O‘zR OAKning 22.07.2013 y. 016 –I buyrug‘iga ko‘ra ixtisoslashgan kengash 16.07.2013.Far.21.01. shifri bilan qayta tashkil qilindi va quyidagi ixtisosliklar bo‘yicha doktorlik dissertatsiyalarining himoyasini o‘tkazishga ruxsat berildi:

15.00.01 – dorilar texnologiyasi va farmatsevtika ishini tashkil etish

15.00.02 – farmatsevtik kimyo va farmakognoziya

14.00.17 – farmakologiya va klinik farmakologiya.

2016 yilga kelib institutning 14 ta kafedrasida jami 213 nafar professor-o‘qituvchilar faoliyat ko‘rsatib, ularning 24 nafari professor va fan doktorlari, 97 nafar fan nomzodlari va dotsentlaridir. Bugungi kunda institut ilmiy salohiyati 57 % ni tashkil etadi.

Ilmiy-pedagogik kadrlar tayyorlash uchun institut kafedralari etarli ilmiy-tajriba bazasiga ega. Ular zarur asbob-uskunalar, kimyoviy reaktivlar, tajriba hayvonlari, vivariy hamda axborot texnologiyalari bilan to‘la ta’minlangan. Ilmiy kadrlarga zamonaviy asbob-uskunalar bilan jihozlangan Dori vositalarini standartlash ilmiy markazi, ilmiy-tadqiqot ishlari yuzasidan ilmiy maqolalarni e’lon qilinishi uchun “Farmatsevtika jurnali”, o‘quv markazi va ingliz tilini o‘rganish klublari mavjud.

Bugunga kelib katta ilmiy xodim izlanuvchilar institutida 5 ta, mustaqil izlanuvchilar institutida 16 ta yoshlar ta’lim olishmoqda. Institut xodimlari tomonidan 3 ta doktorlik dissertatsiyasi muvaffaqiyatli himoya qilindi va 1 ta dissertatsiya ishi Ilmiy seminarda muxokamadan o‘tkazildi.

Bo‘lim xodimlari  ilmiy kadrlar tayyorlash borasida katta ilmiy xodim  -izlanuvchi va mustaqil izlanuvchilar bilan ish olib borishmoqda, ularning adabiyotlar bilan shug‘ullanishi  va ilmiy tadqiqotlarni olib borishida amaliy yordam berib kelishmoqda. Muntazam ravishda katta ilmiy xodim – izlanuvchilar va mustaqil izlanuvchilar faoliyatining samarasi monitoring qilib borilmoqda.