Ilmiy tadqiqotga oid e’lonlar.

15.03.2019, 11:40 Без рубрики 1242

 

A X B O R O T   X A T I

Hurmatli hamkasblar!

Ibn Sino jamoat fondi, O‘zbekiston Respublikasi Sog‘likni saqlash vazirligi va Toshkent farmasevtika instituti hamkorligida 2019 yil 25 aprel kuni Toshkent shaxrida “Abu Ali ibn Sino va zamonaviy farmasevtikada innovatsiyalar» mavzusidagi II ilmiy – amaliy anjuman o‘tkazilishi rejalashtirilgan. Anjumanda Respublikamiz va xorijiy mutaxassis va olimlar ishtirok etadilar.

Anjumanning asosiy ilmiy yo‘nalishlari:

  1. Ibn Sino ilmiy merosining farmatsiya shakllanishiga qo‘shgan xissasi.
  2. Ibn Sino merosi asosida zamonaviy dori vositalarni ishlab chiqarish.
  3. Dori vositalarini yaratish, ishlab chiqarishda innovatsiyalar va ularning istiqbollari.
  4. Dori vositalarini standartlash, farmasevtik va kimyoviy texnologiyalar tahlili.
  5. O‘simlik xom-ashyolarini o‘rganish va fitopreparatlar yaratish, zamonaviy dorilar texnologiyasi; yangi dori vositalarining klinikoldi tadqiqotlari.
  6. Dori vositalarini yaratish, sotish va ulardan foydalanish bosqichlarida farmako-iqtisodiyot.
  7. Farmasevtik biotexnologiya va dorivor o‘simliklar biotexnologiyasi. Dori sanoati uchun nanobiotexnologiya.
  8. “Farmasevtik preparatlar texnologiyasi” va “Biotexnologiya” fanlarini o‘qitish nazariyasi va amaliyoti.

Anjuman materiallari ilmiy to‘plamda nashr etiladi. Tashkiliy qo‘mita tomonidan lozim deb topilgan materiallar, ilmiy maqola sifatida “Farmasevtika jurnali”ning maxsus sonida chop etiladi.

Anjumanda ishtirok etish tartibi.

1.maqola chop etilishi.
2. maqola chop etilishi + ma’ruza.

Makolalar mavzusi albatta Abu Ali Ibn Sino ta’limotiga va anjuman ilmiy yunalishlariga uzviy bog‘liq bo‘lishi va shu asosda xususiy ilmiy-amaliy tadqiqotga ega bo‘lishi shart.

Bir muallif faqat 2 ta maqola bilan ishtirok etishi mumkin.

Ilmiy to‘plamda nashr etilgan tezislar va anjuman dasturi bilan Toshkent farmasevtika instituti www.pharmi.uz  va Ibn Sino jamoat fondi www.ibn-sino.uz saytlarida 10 aprel kunidan boshlab tanishishingiz mumkin.

Tezislar va maqolalarga talablar:

  1. Makola xajmi – 4-5 bet, A4 formatda, Times New Roman 14 o‘lchamli shriftda, chap tomondan 3sm., o‘ng tomondan 1,5sm., yuqori va pasti 2 sm, matnda qatorlararo 1,0 intervaldan foydalanilgan xolda.
  2. Maqola nomi bosh xarflar bilan o‘rtaga yoziladi. Navbatdagi qatorga muallif to‘liq familiyasi va ism-sharifi bosh xarfi yoziladi. Navbatdagi qatorda davlat, shaxar, viloyat va tashkilot nomi to‘liq yoziladi. Ma’ruzachi familiyasi ostida chiziq bilan belgilanadi. Makola matnidan so‘ng mualliflar (ish joyi, lavozimi, ilmiy darajasi) xaqida ma’lumot va manzili (telefon raqami, e-mail) ko‘rsatilishi shart.
  3. Makolalar yoki o‘zbek, yoki rus, yoki ingliz tilida bo‘lishi mumkin.
    Makolalarni qabul etish muddati:

1 aprel 2019 yil soat 16:00 ga qadar tezislar quyidagi elektron manzilda qabul qilinadi: naukapharmi@yandex.ru

Tashkiliy masalalar bo‘yicha murojaat etishingiz mumkin:

Toshkent farmasevtika instituti: Toshkent sh., Oybek ko‘chasi, 45. tel/faks: (+99871) – 2563954

Ibn Sino jamoat fondi, 100007, Toshkent shaxri, Parkent ko‘chasi 51a, tel/faks: (+99871) – 2680897. e-mail: ibnsino2013@yandex.ruwww.ibn-sino.uz