Oliy ta’lim muassasalarida qishloq xo‘jaligi sohasi bo‘yicha qabul kvotalari ikki barobar oshiriladi.

21.11.2018, 15:32 Institut yangiliklari, Yangiliklar 1086

O‘zbekiston Respublikasi Prezidentining 2018 yil 20 noyabrda “Issiqxona komplekslarini rivojlantirish uchun qo‘shimcha shart-sharoitlar yaratish chora-tadbirlari to‘g‘risida”gi qarori qabul qilindi.

Qarorda 2019/2020 o‘quv yilidan boshlab quyidagi ixtisoslik yo‘nalishlarida oliy ta’lim muassasalariga bakalavrlar tayyorlash yuzasidan qabul kvotalarini kamida ikki barobar oshirish ko‘zda tutilgan:

  • “Issiqxona xo‘jaliklarini tashkil etish va yuritish”;
  • “Agrokimyo va agrotuproqshunoslik”;
  • “O‘simliklarni himoya qilish”.

Mazkur Qarorda O‘zbekiston Respublikasi Vazirlar Mahkamasi Iqtisodiyot vazirligi, Oliy va o‘rta-maxsus ta’lim vazirligi hamda Qishloq xo‘jaligi vazirligi bilan birgalikda bu borada tegishli takliflarni kiritishi belgilangan.

Institut matbuot kotibi  N.L.Usmanova

Pharmi.uz Telegram kanaliga qo‘shiling va eng so‘nggi yangiliklardan xabardor bo‘ling! A'zo bo'lish