O‘zbekiston Respublikasi Prezidentining 2018-yil 5-iyundagi PQ-3775-son Qaror 11-bandining DVST kafedrasida joriy etilishi

10.11.2018, 20:15 Institut yangiliklari, Yangiliklar 737

O‘zbekiston Respublikasi Prezidentining 2018-yil 5-iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-son Qarori 11-bandiga asoslangan holda Toshkent farmasevtika institutida talabalarni innovatsion fikrlashga yo‘naltiradigan o‘qitish texnologiyalari va interfaol uslublarni joriy etish asosida tashkil etish, asosiy e’tiborni talabalarning mustaqil ta’lim olishi bilan bog‘liq mexanizmlarni joriy etish bo‘yicha chora-tadbirlar amalga oshirilmoqda. Toshkent farmasevtika institutining Dori vositalarining sanoat texnologiyasi kafedrasi assistenti M.Sh.Jaloliddinovaning “Tayyor dori vositalarining sifatini baholash, qadoqlash va o‘rash” fanidan Sanoat farmatsiyasi ta’lim yo‘nalishi 4-kurs 406-B guruh talabalarning mustaqil ishini qabul qilish noan’anaviy shaklda tashkil etildi. Ushbu metodning qo’llanilishi orqali talabalarning bilim va ko’nikmalari, mustaqil izlanuvchanligi va o’z ustida ishlash samarasini yanada oshirish ko’zda tutilgan. Talabalar mustaqil ishlarini Power Point taqdimot ko‘rinishida guruhda taqdim etilib, muhokama qilindi. Bundan tashqari talabalar axborot kommunikatsiya-texnologiyalaridan keng ko’lamda foydalanish orqali ilmiy yangiliklar kiritish va yangi texnologiyalarni izlab topib, ushbu texnologiyalarni qo’llash va hamda muammolarni hal etish bo’yicha baxs munozaralar asnosida fikr mulohaza  almashilindi.